గుర్తులు కేటాయింపులో గాజు గ్లాసు గందరగోళం

గుర్తులు కేటాయింపులో గాజు గ్లాసు గందరగోళం

Share with
Views : 17
ఆంధ్రప్రదేశ్ ఎన్నికల్లో ఎన్నికల సంఘం నిర్దిష్టమైన ఆదేశాలపై రిటర్నింగ్ అధికారులకే స్పష్టత లేకపోవడంతో ఎక్కడికక్కడ గందరగోళం ఏర్పడుతోంది. నామినేషన్ల ఉపసంహరణ గడువు ముగియడంతో స్వతంత్రులకు రిటర్నింగ్ అధికారులు గుర్తులు కేటాయింటారు. ఫ్రీ సింబల్స్ లో ఉన్న వాటిని అభ్యర్థులకు ఎంచుకునే అవకాశం కల్పించారు. ఒక గుర్తు కోసం ఎక్కువ మంది పోటీ పడితే డ్రా తీసి గుర్తు కేటాయించారు. అయితే ఇలా కేటాయించిన సింబల్స్ లో కొన్ని నియోజకవర్గాల్లో గాజు గ్లాస్ గుర్తు ఉంది. ఈ కారణంగానే గందరగోళం ప్రారంభమయింది. విజయనగరంలో టీడీపీ రెబల్ అభ్యర్థిగా బరిలోకి దిగిన మాజీ ఎమ్మెల్యే మీసాల గీతకు గాజు గ్లాస్ గుర్తు కేటాయించారు. ఎన్నికల సంఘం ఆ గుర్తును జనసేన పార్టీకి రిజర్వ్ చేసిందని ఇండిపెండెంట్లకు ఇవ్వకూడదని టీడీపీ నేతలు అభ్యంతరం చెప్పారు.అయితే అలాంటి ఆదేశాలు తమకు రాలేదని.. చెప్పి రిటర్నింగ్ అధికారి గాజు గ్లాస్ గుర్తు కేటాయించేశారు. అలాగే జగ్గంపేటలో జనసేన పార్టీకి చెందిన సూర్యచంద్ర ఇండిపెండెంట్ గా నామినేషన్ వేశారు. ఆక్కడ కూడా ఆయనకు గాజు గ్లాస్ గుర్తు కేటాయించారు. అక్కడ కూడా వివాదాస్పదమయింది. నిజానికి ఆగాజు గ్లాస్ సింబల్ ను రిజర్వ్ చేయకపోతే అన్ని చోట్లా స్వతంత్రులకు కేటాయించాల్సి ఉంది. కానీ ఇటీవల ఎన్డీఏ కూటమి నేతలు ఈసీకి ప్రత్యేకంగా విజ్ఞప్తి చేశారు. ఈసీ ఈ మేరకు గాజు గ్లాస్ గుర్తు జనసేనకు రిజర్వ్ చేశారని.. ఇతరులకు కేటాయించరని సమాచారం అందింది. కానీ కొంత మంది రిటర్నింగ్ అధికారులు మాత్రం గాజు గ్లాస్ ను కేటాయించడం .. అదీ కూడా కొన్ని ప్రత్యేకమైన నియోజకవర్గాల్లో కేటాయించడం సంచలనంగా మారింది. ఈ అంశంపై ఈసీ స్పష్టత ఇవ్వాల్సి ఉంది. ఒక వేళ రిజర్వ్ చేయకపోతే జనసేన పోటీ చేయని అన్ని చోట్లా స్వతంత్రులకు కేటాయిస్తారు. రిజర్వ్ చేస్తే ఇప్పటికే కేటాయించిన వారికి మార్పులు చేస్తారు.
error: कॉपी नहीं होगा भाई खबर लिखना सिख ले