దొడ్డి దారుల్లో అధికారం నిలబెట్టుకోవాలని చూస్తున్న జగన్: వర్ల రామయ్య

దొడ్డి దారుల్లో అధికారం నిలబెట్టుకోవాలని చూస్తున్న జగన్: వర్ల రామయ్య

Share with
Views : 6
అమరావతి:రాష్ట్రంలో కొంతమంది అధికారులు అధికార వైసీపీ నాయకులకు తొత్తుల్లా వ్యవహరిస్తున్నారని ఎన్నికల కమిషన్‌కు తెలుగుదేశం పార్టీ ఫిర్యాదు* *పెద్దిరెడ్డి ప్రత్యేక సామ్రాజ్యంలా భావిస్తున్న పుంగనూరులో శాంతిభద్రతలు నశించాయి* *ప్రతిపక్షాల ఎన్నికల ప్రచార వాహనాలు ధ్వంసం, కార్యకర్తలపై దాడులు జరుగుతున్నా చోద్యం చూస్తున్న డీఎస్పీ రాజగోపాల్ రెడ్డి పోలీసు అధికారుడిగా ఉండడానికి అనర్హుడు* *పొన్నూరులో యూనిఫాం వేసుకొని తెలుగుదేశానికి ఓటు వేస్తే అంతు చూస్తానంటున్న అర్మ్ రిజర్వడ్ డీఎస్పీ సుధాకకర్‌ను చిత్తూరులో తెదెపా జెండా కనిపించడానికి వీలు లేదు అంటూ ఏకపక్షంగా వ్యవహరిస్తున్న అసిస్టెంట్ రిటర్నింగ్ అధికారిణి అరుణ సస్పెండ్ చేయాలి* *దొడ్డి దారుల్లో అధికారం నిలబెట్టుకోవాలని చూస్తున్న జగన్ రెడ్డికి ప్రజాక్షేత్రలో ఎన్డీఏతో తలపడే ధైర్యం లేదు* *జనసేన పోటీ చేయని స్థానాల్లో గాజు గ్లాసు గుర్తు అడగండని ఇతర అభ్యర్ధులకు జగన్ రెడ్డే చెప్పాడు* *గాజు గ్లాసు గుర్తును ఎవరికి కేటాయించకుండా గుర్తును రిజర్వ్ చేయాలి* *- వర్ల రామయ్య* రాష్ట్రంలో శాంతిభద్రతలు నశించిపోయాయని, దాడులు, అరాచకాలు జరుగుతున్నా పోలీసు యంత్రాంగం మాత్రం చోద్యం చూస్తుందని రాష్ట్ర ఎన్నికల ప్రధాన అధికారి ముకేష్ కుమార్ మీనాకు తెలుగుదేశం పార్టీ జాతీయ ప్రధాన కార్యదర్శి వర్ల రామయ్య ఫిర్యాదు చేశారు. వాటితో పాటు అధికార పార్టీకి తొత్తుల్లా వ్యవహరిస్తున్న చిత్తూరు అసిస్టెంట్ రిటర్నింగ్ అధికారిణి అరుణ, రాజ్ భవన్ అర్మ్ రిజర్వడ్ డీఎస్పీలపై కూడా ఎన్నికల సంఘానికి ఫిర్యాదు చేశారు. గాజు గ్లాసు గుర్తును ఎవరికి కేటాయించకుండా రిజర్వ్ చేయాలని వర్ల రామయ్య మీనాను కోరారు. అనంతరం నిర్వహించిన విలేకరుల సమావేశంలో వర్ల రామయ్య మాట్లాడుతూ...”రాష్ట్రంలో నెలకున్న పరిస్థితులను ఎన్నికల కమిషన్‌కు వివరించాం. ముఖ్యంగా శాంతిభద్రతలు నశించిపోయిన పుంగనూరు నియోజకవర్గ పరిస్థితులను రాష్ట్ర ఎన్నికల ప్రధాన అధికారికి తెలియపరిచాం. పరిస్థితులు కాస్త అటూ ఇటూ అయితే ముఖ్యమంత్రి అవుదామని పెద్దిరెడ్డి రామచంద్రారెడ్డి ఉబలాటపడుతున్నాడు. పుంగనూరును ప్రత్యేక సామ్రాజ్యంగా చేసుకున్నాడు. పుంగనూరు నియోజకవర్గానికి డిజిపి, సీఎస్‌లకు సంబంధమే లేదు. అక్కడున్న కానిస్టేబుల్ దగ్గర నుంచి డీఎస్పీ వరకున్న అధిరులందరూ పెద్దిరెడ్డి మనుషులే. పెద్దిరెడ్డి ఏమి చెబితే అది వారు చేస్తారు. శాంతిభద్రతలన్నీ కూడా పెద్దరెడ్డి కంట్రోల్‌లోనే ఉన్నాయి” అని మండిపడ్డారు. *ఖాకి యూనిఫాం వేసుకోవాడినికి పుంగనూరు డీఎస్పీ అనర్హుడు...* “పుంగనూరులో తెదెపా ప్రచార రథాలు తిరగడానికి వీళ్లేదన్నట్లు పెద్దిరెడ్డి, అతని అనుచరులు వ్యవహరిస్తున్నారు. ప్రచార రథాలు తగలబెడుతున్నా, నాయకులు, కార్యకర్తలపై దాడులు చేస్తున్నా పోలీసులు మాత్రం చోద్యం చూస్తూ ఉంటున్నారు. ఎన్నికల ప్రచారం చేస్తున్న బీసీవై పార్టీ అధినేత రామచంద్రయాదవ్‌పై దాడులు చేస్తే పోలీసులు మాత్రం తమాషా చూస్తున్నట్లు వ్యవహరించారు. ప్రాణాలు అరచేతిలో పెట్టుకొని బీసీవై పార్టీ నాయకులు పారిపోయారు. ఇన్ని ఘోరాలు, అరాచకాలు జరుగుతుంటే ఎన్నికల కమిషన్, డిజిపి, ఎస్పీ ఏమి చేస్తున్నారు? ఎన్నికల సజావుగా నిర్వహించాలనే ఆలోచన ఎన్నిలక కమిషన్‌కు ఉంటే కానిస్టేబుల్ నుంచి డీఎస్పీ వరకు సెంట్రల్ ఫోర్స్ పెట్టాలి. స్టేట్ ఫోర్స్‌కు సంబంధించిన అధికారులెవ్వరూ పుంగనూరు నియోజకవర్గంలో ఉండకూడదు. ఎన్నికలు అయ్యేంతవరకు కూడా వారిని వీఆర్‌లో పెట్టాలి. లేదంటే ఉత్తరాంధ్ర నుంచి పోలీసులను పుంగనూరుకు తీసుకువచ్చి ఈ 15 రోజులు పోలీసు ఉద్యోగం చేయండని ఆదేశాలు ఇవ్వాలి. నాలుగు వాహనాలు ధ్వంసం చేస్తే పుంగనూరులో ఏమి జరగలేదు, ఏదో రెండు రాళ్లు వేశారు అని వీడియో చేసి డీఎస్పీ చెప్పడం హాస్యాస్పదం. డీఎస్పీ చేసిన వీడియో కూడా ఎమ్మెల్యే ఫోన్ నుంచే మీడియాకు వెళ్ళింది. పెద్దిరెడ్డి ఏమి చెబితే అది చేయడానికే డీఎస్పీ ఉన్నాడు. ఇటువంటి డీఎస్పీ విధుల్లో ఉంటే పోలీసు వ్యవస్థకే సిగ్గు చేటు. కాబట్టి యూనిఫాం కూడా వేయకుండా ఆ డీఎస్పీ రాజగోపాల్ రెడ్డిని సస్పెండ్ చేయాలి” అని అన్నారు. *అధికార పార్టీ నాయకులకు తొత్తుల్లా వ్యవహరిస్తున్న అధికారులను సస్పెండ్ చేయాలి...* “రాజ్ భవన్‌లో విధులు నిర్వహిస్తున్న ఆర్మ్ రిజర్వడ్ డీఎస్పీ సుధాకర్, అతని తమ్ముడు పొన్నూరులో అరాచకాలు చేస్తున్నాడు. తెలుగుదేశం పార్టీకి ఓటు వేస్తే మా అన్న అధికారాన్ని ఉపయోగించుకొని మీ అంతు చూస్తానంటూ ఓటర్లను భయభ్రాంతులు చేస్తున్నాడు. నా అధికారాన్ని ఉపయోగించి అక్రమ కేసులు బానియిస్తానని డీఎస్పీ బెదిరిస్తున్నాడు. ఈ విషయాన్ని కూడా ఎన్నికల కమిషన్ దృష్టికి తీసుకువెళ్ళాం. రాజకీయాల్లోకి రాకమునుపు నుంచి చిత్తూరు నియోజకవర్గ ఎన్డీఏ అభ్యర్ధి గురజాల జగన్మోహన్ ఒక ధార్మికుడిగా ఎన్నో సేవా కార్యక్రమాలు చేస్తుంటారు. సేవా కార్యక్రమాలు చేయకూడదంటూ చిత్తూరు అసిస్టెంట్ రిటర్నింగ్ అధికారి అరుణ అడ్డు పడుతుందని, ఆమెకు జ్ఞానబోధ చేయమని జగన్మోహన్ హైకోర్టుకు వెళ్ళారు. ప్రజాసేవ చేస్తుంటే తప్పేముందని అరుణను హైకోర్టు చివాట్లు పెట్టింది. ఆ విషయాన్ని మనస్సులో పెట్టుకొని నియోజకవర్గంలో టిడిపి జెండానే కనపడకుండా ఉండాలనే విధంగా వ్యవహరిస్తుంది. ఇటువంటి అధికారులు ఎన్నికల విధుల్లో ఉంటే ఎన్నికలు సజావుగా సాగవు. కనుక ఏకపక్షంగా వ్యవహరిస్తున్న అసిస్టెంట్ రిటర్నింగ్ అధికారి అరుణను ఎన్నికల విధులకు దూరంగా పెట్టాలి. *గాజు గ్లాసు గుర్తును రిజర్వ చేయాలి...* “మా కూటమి జనసేన పార్టీ ఎక్కడ పోటీ చేస్తే అక్కడ గ్లాసు గుర్తు కేటాయించాలని హైకోర్టు ఆదేశాలిచ్చిన విషయం తెలిసిందే. జనసేన పోటీ చేయని స్థానాల్లో కొంతమంది ఆర్వోలు పిలిచి మరి గాజు గ్లాసు గుర్తును ఇతర అభ్యర్ధులకు కేటాయిస్తున్నారు. దుర్మార్గపు బుద్దులతో అడ్డదారులు తొక్కైనా అధికారం నిలబెట్టుకోవాలని ప్రయత్నిస్తున్న జగన్ రెడ్డి.. ఇండిపెండెంట్లకు గాజు గ్లాసు గుర్తును అడగండని కుట్ర పన్నారు. ఆ కుట్రలో కొంతమంది ఆర్వోలు కూడా ఉన్నారు. గాజు గ్లాసును ఎవ్వరికీ కేటాయించవద్దని, గాజు గ్లాసు గుర్తును రిజర్వడ్‌లో పెట్టండని ఈసీని కోరాం. ధమ్ముంటే ప్రజాక్షేత్రంలో తేల్చుకుందా రా జగన్ రెడ్డి. నిజంగా జగన్ రెడ్డికి ధమ్ముంటే శాంతియుత వాతావరణంలో ఎన్నికలు జరిగేలా చూడాలి. గెలుస్తామనే నమ్మకం ఉంటే గాజు గ్లాసు గుర్తుకు ఇంతలా భయపడాలా..? దొంగ ప్లాస్టర్లు వేసుకొని తప్పుడు మాటలు మాట్లాడుతూ గులకరాయి డ్రామా ఆడినంత మాత్రాన ప్రజలు జగన్ రెడ్డి మాయలో పడలేదు. ఎన్డీఏ కూటమిని ప్రజలు కోరుకుంటున్నారు. ఇకనైనా వైసీపీ నాయకులు మాయ మాటలు చెబుతూ దొడ్డి దారులు తొక్కడం మానాలి” అని వర్ల రామయ్య హెచ్చరించారు. ఎన్నికల కమిషన్‌ను కలిసిన వారిలో వర్ల రామయ్యతో పాటు మాజీ ఎమ్మెల్సీ ఏఎస్ రామకృష్ణ, తెదెపా ఎస్సీ సెల్ రాష్ట్ర ఉపాధ్యక్షులు కోడూరి అఖిల్, గుంటూరు మిర్చి యార్డ్ మాజీ చైర్మన్ మన్నవ సుబ్బారావు తదితరులు ఉన్నారు.
error: कॉपी नहीं होगा भाई खबर लिखना सिख ले